नंदुरबार| प्रतिनिधी
मौजे सैताने येथे नुकतेच भव्य अशा कुस्ती स्पर्धेचे आयोजन करण्यात आले होते. शड्डूच्या आवाजात आणि लाल मातीतील रांगड्या खेळाच्या थरारात ही स्पर्धा मोठ्या उत्साहात पार पडली. कुस्तीप्रेमी नागरिकांनी मोठ्या संख्येने उपस्थित राहून स्पर्धेचा आनंद घेतला.
या कुस्ती स्पर्धेमध्ये विविध भागांतील नामवंत तसेच नवोदित पैलवानांनी सहभाग घेतला. आखाड्यात उतरलेल्या पैलवानांची जिद्द, ताकद आणि कौशल्य पाहून प्रेक्षकांची मने जिंकली गेली. कुस्ती हा केवळ खेळ नसून ग्रामीण संस्कृतीचा अभिन्न भाग असल्याचे या स्पर्धेतून प्रकर्षाने दिसून आले.
या प्रसंगी रवीभाऊ पवार (युवा नेते तथा नगरसेवक, नंदुरबार नगरपरिषद), प्रफुलभाऊ खैरनार (तालुका संघटक, शिवसेना युवासेना), रूपेशभाऊ जगताप (ग्रामपंचायत सदस्य), तसेच भरतभाऊ पाटील व मित्र परिवार यांची प्रमुख उपस्थिती होती. मान्यवरांनी खेळाडूंना शुभेच्छा देत त्यांचा उत्साह वाढवला.
ही कुस्ती स्पर्धा दादाभाई गोसावी, प्रमोदभाऊ पाटील आणि बाजीराव पैलवान यांच्या उत्तम नियोजन व मार्गदर्शनाखाली यशस्वीरीत्या पार पडली. आयोजनकर्त्यांनी कुस्तीप्रेमी नागरिकांचे व सहभाग घेतलेल्या सर्व पैलवानांचे आभार मानले.